05 ноября 2025

40

Инклюзивті білім беру – тең мүмкіндік жолы!
Бүгін мектебімізде «Инклюзия: білім берудегі мүмкіндіктер мен тәжірибе» тақырыбында педагог-психологтардың ұйымдастыруымен бастауыш сынып және пән мұғалімдеріне арналған демонстрациялық, тәжірибе алмасу сабағы өтті.
Шара барысында мұғалімдерге инклюзивті білім берудегі заманауи әдіс-тәсілдер таныстырылып, жаңа технологиялармен жабдықталған кабинеттегі құрал-жабдықтарды тиімді пайдалану жолдары іс жүзінде көрсетілді.
Практикалық бөлімде қатысушылар арнайы құралдармен жұмыс жасап, ерекше білім беруді қажет ететін балаларды қолдауда қолдануға болатын әдістермен танысты.
✨ Мұндай тәжірибе алмасулар – мұғалімдердің кәсіби біліктілігін арттырып, әрбір оқушыға тең мүмкіндік беруге бағытталған маңызды қадам!

04 ноября 2025

43

🥉 5–6-сынып оқушылары мектепаралық жарыста 3-орынға ие болды.
Жаттықтырушысы — Қабыланбеков Нұршайық. 👏

🥉 7–8-сынып оқушылары да өз шеберліктерін көрсетіп, 3-орынға табан тіреді.
Жаттықтырушысы — Жанибек Мұратұлы. 👏

🏅 Ал 8 «А» сынып оқушысы Айтмұхаммед «Үздік қорғаушы» номинациясымен марапатталды! 🔥

Бұл жеңіс — оқушыларымыздың еңбекқорлығы мен бапкерлердің еңбегінің жемісі!
⚽️ Спортпен шұғылданып, жаңа биіктерге жете беріңіздер!

04 ноября 2025

61

Ахмет Байтұрсынұлы атындағы №48 мектеп-лицейінің мұғалімдер мен оқушылары «1 қазан - Қарттар күніне” орай Астана қаласындағы “Жанашыр” қарттар үйіне барып, қарттарымызды құттықтап қайтты.

Оқушылардың Қарттар үйіне баруы – өте маңызды және тәрбиелік мәні зор оқиға. Мұндай іс-шаралар жастардың үлкендерге деген құрметін арттырып, адамгершілік қасиеттерін қалыптастырады.

Іс-шара мақсаты:
1. Қарттарға құрмет көрсету, көңіл бөлу;
2. Оқушыларды мейірімділікке, қайырымдылыққа тәрбиелеу;
3. Үлкендермен тілдесу арқылы рухани тәрбие беру.

Іс-шара өте жылы әрі әсерлі өтті. Ұстаздар мен білім алушылар қарияларға өз құттықтауларын арнап, ән, күй өнерлерімен көңілдерін көтеріп, сый-сияпаттарын табыстады. Қарттар оқушылардың көңіл бөлгеніне риза болып, алғыстарын білдірді. Оқушылар үлкен кісілермен сөйлесіп, өмірлік тәжірибе алды. Мұндай кездесулер жас өркеннің бойында мейірімділік пен адамгершілік қасиеттерді дамытуға ықпал етті.

PS: ҚР азаматтарының құқықтық мүдделерін қорғау заңдарына орай қарттар үйіндегі тұрғындардың фото-бейнематериалдарын жарияламау талабы сақталды

04 ноября 2025

35

9-сынып оқушылары үшін көптен күткен «Күзгі бал-2025» кеші өтті!

Оқушылар әсем көйлек, сәнді костюмдерімен мерекелік көңіл-күй сыйлап, би алаңын думанға бөледі. 💫
Кеш барысында түрлі сайыстар, қызықты ойындар ұйымдастырылып, ең үздіктер арнайы номинациялармен марапатталды. 🎉

Бұл шара жасөспірімдерге көтеріңкі көңіл-күй сыйлап қана қоймай, достықты нығайтып, мектеп өміріне ұмытылмас сәттер қосты. 🤍

04 ноября 2025

47

10 қазан күні Халықаралық инклюзия күніне орай А. Байтұрсынұлы атындағы №48 мектеп-лицейінде «Игі істер марафоны – 2025» атты рухани құндылық пен ізгілікке бағытталған ерекше іс-шара өтті.
Бұл күні ұжымның педагог-психолог мамандары оқушылармен бірге түрлі қызықты, шығармашылық және дамытушы практикалық сабақтар ұйымдастырды. Балалар қыш-құмыра шеберханасында өз қолдарымен әсем бұйымдар жасап, құм терапиясы арқылы ішкі сезімдерін бейнеледі. Ал арт-терапия барысында түрлі-түсті бояулармен өз қиялдарын еркін жеткізіп, шабыт пен қуанышқа бөленді

04 ноября 2025

55

“Тәлімгер мен жас маман: талдаудан табысқа” тақырыбында семинар болып өтті. Семинар барысында жас мамандар мен тәлімгерлер өзара тәжірибе алмасып, сабақ талдау мен кәсіби дамудың тиімді жолдары қарастырылды. Іс-шараның мақсаты – жас мұғалімдердің кәсіби шеберлігін арттырып, табысқа жету жолында тәлімгерлік қолдаудың маңызын айқындау болды.